Pierre Bergounioux, nascut en 1976

Soi teologian. Format en filosofia, en lingüistica e en teologia protestanta, m’interèssi als luòcs ont quicòm resistís, ont la fe non es ni evidenta ni forçadament tranquilla. Trabalhi uèi sus la manièra cossí los racontes biblics ressonan dins los còrs dominats, dins los marges socials e dins las lengas que s'ausisson pas mai. Ma teologia cèrca de pensar la Paraula coma una fòrça d’estructuracion de çò real, dins sos ligams prigonds amb lo lengatge uman — un lengatge tangentat, vulnerable, mas encara capable d’engimbrar de sens.

Ma reflexion s'apèja sus la nocion d'incarnacion e de realitat, sus la vida e l'istòria dels marges, ont Dieu es tanben preséncia, interpellacion e apèl. Se situa particularament dins una exploracion dels marges discursius — oralitat populara, racontes minoritaris — a la crosada dels Subaltern Studies e de las teorias criticas del lengatge, amb una atencion particulara a lors efèits sus la construccion del prestigi, del poder e de la valor percebuda, dins un mond traversat per d'apocalipsis culturalas (Ernesto De Martino).

Prediqui per los e las que fan pas de teologia per manca de temps, mas que son mai teologs que çò que creson.
Aqueste sit es un talhièr de construccion. Una represa. Un convit.